Cun la strategia «Administraziun federala digitala» definescha il Cussegl federal las finamiras da la transfurmaziun digitala en l'administraziun federala. Quellas èn resumadas en set puncts centrals. La strategia vegn realisada cun agid dal plan da transfurmaziun annual.
Cun la strategia persequitescha il Cussegl federal la suandanta visiun, che duai vegnir cuntanschida fin l'onn 2030: «Ils umans e las interpresas stattan en il focus da la transfurmaziun digitala e survegnan da la Confederaziun, sur in sulet chanal, prestaziuns simplas e modernas da plirs posts da servetsch». L'administraziun realisescha la strategia tenor otg princips directivs. Las finamiras strategicas èn l'element central da la Strategia Administraziun federala digitala. Per ina meglra orientaziun èn ellas resumadas en set puncts centrals tematics.
La strategia è disponibla en tudestg, franzos, talian ed englais.
Contact
Sectur «Transfurmaziun digitala e direcziun da las TCI» (TDT)
Monbijoustrasse 91
3003 Berna
info.dti@bk.admin.ch
+41 (0)58 463 46 64
